భళా జగన్ భక్తులారా!

ఆంగ్లములో "sycophancy" అనే పదం ఒకటి ఉంది. అది బహుశా కాంగ్రెస్ వాళ్ళకి సరిపోయినంత ఇంకెవరికి సరిపోదు ఏమో. ఇంతకీ ఆ పదం అర్థం ఏమిటంటే: ఉన్నత స్థానాలలో ఉన్నవారిని అతిగా పొగిడి తద్వారా స్వలాంభం కోసం ప్రయత్నించే గుణం.

ఈ గుణం కాంగ్రెస్ లో అత్యున్నత స్థాయి నాయకుడి నుండి క్రింది స్థాయి వారికి కూడా ఉంటుంది. ఐతే ఈ గుణం కట్టలు తెంచుకుంటే ఎలా ఉంటుంది అంటే ఈ క్రింది ఉదాహరణని చెప్పుకోవచ్చు.

ఇంత వరకూ ఎటువంటి ప్రజా పదవిని అలంకరించని, కనీసం పోటీ కూడా చేయని వై యస్ జగన్ పేరిట ఒక సేవ సమితి నెలకొల్పడం ఒక ఎత్తు. (పెడితే తప్పా అంటారా! ఎ మాటకామాట. లేదులెండి. ఎవడిష్టం వాడిది కదా.)

అయితే అది నెలకొల్పి వై యస్ రాజ రెడ్డి పేరిట ఒక అవార్డు నెలకొల్పడం కూడా ఓకే. కానీ రాజ రెడ్డి స్మారకార్థం నెలకొల్పిన అవార్డును జగన్ పుట్టినరోజు నాడు ఇవ్వడం అస్సలు సిస్సలు చావుకబారుతనం అనిపించుకుంటుంది.
అంతేకాక రాజ రెడ్డి స్థాయి దిగజార్చడం అవుతుంది. ఇందులో మంత్రులు వేరే ముఖ్య అతిధులుగా పాల్గొంటారట.

పిచ్చికి పరాకాష్ట. "Such a bunch of losers" అని అనకుండా ఉండలేకపోతున్నాను.