వచ్చే ఎన్నికల గురించి నా ప్రివ్యూ

దాదాపు రెండున్నర దశాబ్దాల తరువాత ఒక పార్టీ ఆవిర్భావం మళ్ళీ ఇంతటి టాక్ ఆఫ్ ది టౌన్ గా మారింది. ఒక ఇద్దరు ముగ్గురు తెలుగు వాళ్లు ఎక్కడ కలుసుకున్నా అదే టాపిక్. ఆ పార్టీ పెట్టిన వారు ఎంత లాభపడతారు అనేదానికన్నా ఇప్పుడున్నవారిలో ఎవరు ఎక్కువ నష్టపోతారు అనే పాయింట్ మీదనే ఎక్కువ సంభాషణలు జరుగుతున్నాయి అని చెప్పవచ్చు.

ఇక కాంగ్రెస్ తెదేపా అయితే ప్రరాపా వలన మీకు నష్టం అంటే మీకు నష్టం అని ఒకరికొకరు మీడియా సమక్షంలో జోస్యం చెప్పుక్కుంటున్నారు. ప్రారాపా అయితే ఆల్రెడీ రెండో స్థానంలో ఉన్న పార్టీ తమకు పోటీ కాదు అని ఇప్పుడు రాజ్యమేలుతున్న కాంగ్రెస్ పార్టీయే తమకు పోటీ అని చెప్పుకుంటున్నారు. ఇక టిఆర్ఎస్ ఒంటరిగా వెళితే లాభం లేదు అని చెప్పి ఎవడో ఒకడితో కలిసి పోటీ చేద్దాం అని డిసైడ్ అయ్యింది. కమ్యూనిస్టుల గురించి నేను మాట్లాడదలచుకోలేదు.

అస్సలు వోటు ఎవరికీ పడుతుంది. ఎవరిది చీలుతుంది అనేది కచ్చితంగా ఇప్పుడే చెప్పలేము కానీ, నాకేమనిపిస్తుందంటే:

మొదట్లో కొంత జంకినా కాంగ్రెస్ కొంచెం నిద్ర మేలుకుని తాము సేఫ్ అన్నట్టుగా కటింగ్ ఇవ్వడం మొదలుపెట్టారు. అధికారంలో ఉన్న పార్టీగా ఆమాత్రం ఉండాలి కదా. నాలుగున్నరేళ్ళలో ఇప్పటివరకు ఏ ఎన్నికలలోనూ ప్రతికూల పవనాలు వీయకపోవడం వారి ధైర్యానికి ఒక కారణం అయితే, ప్రభుత్వ వ్యతిరేక వోటు చీలిపోతుంది అన్నది అస్సలు కారణంగా కనపడుతుంది. ఆ ధైర్యమే బలంగా వచ్చే ఎన్నికల్లో వాళ్లు బరిలోకి దిగుతారు అనేది నిస్సంకోచంగా చెప్పవచ్చు. దానికి తోడు ఈ నాలుగున్నరేళ్ళు సంపాదించిన డబ్బు కుప్పలుతెప్పలుగా రాష్ట్రం మీదకి విసురుతారు.

తెదేపా ప్రభుత్వ వ్యతిరేక వోటును కుదిరినంతవరకు చీలకుండా మహా కూటమి పేరుతో ప్రయత్నిస్తుంది. ఆ దిశగా అప్పుడే నిర్ణయాలు తీసుకోవడం కూడా జరిగిపోయింది. తెరాసతో పొత్తు మాత్రమే ఇంకా మిగిలిఉంది. ఒక వేళ తెరాసా కనుక తెదేపాతో చేతులు కలపకపోతే రాష్ట్రంలో హంగు ఏర్పడుతుంది అని నా అభిప్రాయం.

తెరాసా తమతో చేతులు కలపని యెడల ప్రారాపా ఎన్నికల్లో ఏకాకి అయ్యి అటు డబ్బూ ఇటు తోడు లేక నెట్టుకురావడం చాలా కష్టం. కేవలం చరిస్మాతో ఎంతమంది అని మాత్రం ఓట్లు వేస్తారులెండి. కాని తన వంతు వాటాగా బాగానే ఓట్లు చీలుస్తాడు, సందేహం లేకుండా.

ఎన్నికలలోపు ఇదే పరిస్థితి కొనసాగితే కాంగ్రెస్ ను గద్దె దించడం కష్టమే.