పాపం పవన్ కళ్యాణ్.

సభ్య సమాజం ఒక వ్యక్తి పైన తన అభిప్రాయాల చెత్తను రుద్ది గెలిచిన వైనం ఇది.

పవన్ కళ్యాణ్ జీవితంలో ఏదో చేద్దాం అని అనుకున్నాడు. తనకు నచ్చిన విధంగా జీవించాలి అనుకున్నాడు. కాని పాపం ఇటువంటి పరిస్థితి వస్తుందని కొన్నాళ్ల క్రితం ఊహించిఉండడు.

తన అన్న రాజకీయ ఆరంగేట్రం కోసం త్యాగం చేసాడా? లేక తను అనుకున్నది సాధించడం కోసం అడ్డంకిగా భావించాడో? లేక తను కోరుకున్నట్లుగా జీవిస్తున్న ఒక స్త్రీ, తన సహచరుడి రాజకీయ ఆరాగేట్రం వలన ఎదుర్కోవలసి వస్తున్న విమర్శలు, వినవలసి వస్తున్న ఛండాలపు పోలికలు, అత్యంత నీచమయిన రాజకీయ బాణీల నుండి విముక్తరాలుని చేయాలనో ?

ఫలితం నిన్న మనం చూసాము. పవన్ కళ్యాన్ రేను దేశాయ్ ని పెళ్లి చేసుకున్నాడు.

పెళ్లి తప్పు కాదు. కానీ సమాజం ఈ జంటపై తన ముద్రని వేసిన తీరు. మేజర్లు అయిన ఇరువురి అభిప్రాయాలకు రాజ్యాంగం ఇచ్చిన స్వేచ్చని నేటి సమాజం అపహాస్యం చేసిన తీరు బాధాకరం.

రాజకీయాలలోకి అడుగేయటంతోనే అతను అడిగే ప్రశ్నలకు బదులు చెప్పలేక, సరైన జవాబుదారీ తనం లేక, నీచపు బుద్దితో కేవలం తమను ప్రస్నిచారు, విమర్శించారు అనే అక్కసుతో మరొక మనిషి వ్యక్తిగత జీవితం గురించి హేయమైన విమర్శలు చేసిన కుళ్ళు మనస్తత్వాలు ఇంకా మన మధ్య ఉన్నంత కాలం మన పరిస్థితులు మెరుగు పడుతాయి అని నేను అనుకోను.

తన ప్రవర్తనతో పవన్ కళ్యాన్ నా దగ్గర మార్కులు కొట్టేసాడు. ( అలాగని అతని రాజకీయ అభిప్రాయాలతో ఎకీభావిస్తున్నని అర్థం కాదు. )